(1906) Ya vieno lo que faltaba
Dixérenme unos amigos
Que cosa equí mos faltaba.
Díxiyos: un papelín
Que mos únia en cuerpu y alma.
-Pes mira, equí lu tienes,
Si quiés dicir algo, fala.
Vi esti periódicu, y tuvi
Que pediy un thé á mió ama,
Pes tantu fúi mió alegría,
Que temblé como una paya.
Al verme descoloriu,
Arropárenme na cama,
Y ente la colcha retayes
Y el friu cabezal de rama,
Dixi á voces: ¡vivia el mundu!,
¡Vivia Asturies!, ¡vivia España!
¡Vivia el Conceyu Cabranes
Con so hermosu Santolaya!
¡Y vívien los cabraneses
Que están ajuera y en casa!
Valiéndome de un descuidu,
Asoméme á la ventana,
Y dixi á les mociquines
Tan guapes de mió quintana:
Tocai esa pandereta
Y cantá con toa el alma
"Hay periódicu en Conceyu,
Ya vieno lo que faltaba."